本人於 05/12/09在這設計公司訂造了一個衣櫃, 一個廳地櫃連飾櫃,原本係 28/12/09送到, 但一直沒有送到也沒有電話到, 我便致電到設計公司查問, 結果話要 4/1/2010先到, 但時間未知, 話再有人聯絡本人, 直到 2/1/2010本人都沒有收到任何電話, 再致電到設計公司查問, 原本又話 3/1/2010到時間又係唔清楚, 遲送同早送都唔通知, 到了 3/1/2010那天沒有人通知幾時送來, 突然就送到, 之後裝櫃, 每樣貨都有損毀, 一係衣櫃尺寸唔正確, 就"夾硬"cut左衣櫃背板, 以為冇人知!!!衣櫃門又推時又有問題, cf又"夾硬""咬" 完全貨不對板!!! 未裝完衣櫃同飾櫃就收晒錢走左去, 話欠零件, 會晚上上來再裝, 一直等都沒有, 本人再致電設計公司, 話 3/1/2010晚唔會黎改。
4/1/2010早上十一時, 但本人媽媽由早等到下午都沒有見過人到, 我再致電給設計公司, 公司人話早上到唔到, 要下午到, 直到四時都沒有人到, 我又再致電去, 又話大約六時, 到本人放工大約七時都沒有人到, 我再致電去, 又話要再夜, 結果黎到沒有做到只係推回衣櫃靠牆, 又話找唔到零件。
我再信, 話 6/1/2010早上十點半到, 結果一等再等沒有人加沒有消息,要本人媽媽直接打給cf,cf話有事上左深圳, 話下午會來, 最終沒有來我再致電公司問點解一拖再拖, 公司人話要問負責的"佘小姐" , 這位佘小姐態度勁差, 打黎問罪於我點解要打去門市問, 有咩唔打比佢, 我有嘗試打, 可惜打了幾次沒有人聽我先打去門市, 結果我被這位佘小姐噴到一面都係, 又唔講時間幾點來, 我便再致電門市問實時間, 以免我媽整天白等, 因等了幾日, 已浪費了幾日時間, 但門市" TOMMY"話佢都帶比那位"佘小姐", 這位佘小姐, 語氣態度十分差打來反問我話左會黎就黎, 如果你要實時間就五點, 佢話本想叫CF三點幾到, 現在我要實時間就只好五點!!! 真係唔知咩態度, 咩服務, 現在係這公司問題, 仲聲大夾惡!!!
我打去門市問D咩員工咩服務態度???我都唔想咁煩, 但事實服務唔好又未整好D野我當然追究到底,我都唔想為了這件事同這位"佘小姐"而投訴, 雖然門市同本人道歉, 但佢地話要聯絡佘小姐了解情況,點知個佘小姐再打來罵個不停,問我係咪要投訴, 如果係投訴話, 就叫我去投訴, 佢話等我封投訴信, 見到封投信先做野, 好似恐嚇本人!
地址 : 深水涉青山道108號富睹@@@@4號
TEL : 23838XXX
FAX : 238382X8
WEBSITE : livixxfocxx.com.hk
TEL : 23838XXX
FAX : 238382X8
WEBSITE : livixxfocxx.com.hk
發表評論 評論 (1 個評論)